Kanosi dhe goditi zyrtarët e Bashkisë, prangoset 40-vjeçari

Një 40-vjeçar, i cili akuzohet se ka dhunuar e kërcënuar dy zyrtarë të bashkisë është prangosur në Kolonjë.

Ai është shtetasi me inicialet O. M., i cili rezulton i dënuar për vepra penale të kryera në fushën e krimeve kundër jetës dhe shëndetit të personit.

Njoftimi:

Goditi dhe kanosi për shkak të detyrës dy zyrtarë të Bashkisë Kolonjë, si edhe kundërshtoi punonjësit e policisë së rendit, arrestohet në flagrancë autori i dyshuar i ngjarjes. O.M., 40 vjeç, banues në Ersekë, (i dënuar më parë për vepra penale të kryera në fushën e krimeve kundër jetës dhe shëndetit të personit).

Arrestimi i tij u bë pasi shtetasi i mësipërm në ambientet e Bashkisë Kolonjë, për motive të dobëta, dyshohet se ka kanosur dhe goditur për shkak të detyrës shtetasit E. H., me detyrë Drejtor Kabineti dhe E. Z., me detyrë Shef i Shërbimeve pranë këtij institucioni.

17 raste të reja, shkon në 933 numri i të infektuarve me koronavirus në Shqipëri

Ministria e Shëndetësisë ka njoftuar rastet e reja të të prekurve me koronavirus në vendin tonë për ditën e sotme.

Gjatë orëve të fundit, 17 persona i janë shtuar listës së të infektuarve nga koronavirusi. Kjo shifër e çon në 933 totalin e të prekurve në vendin tonë.

Dr. Rovena Daja, Instituti i Shëndetit Publik:

Ju bëjmë me dije të dhënat e 24 orëve të fundit të situatës së COVID 19 në Shqipëri. Janë testuar 306 qytetarë të dyshuar si të prekur me Covid-19 dhe kanë rezultuar pozitivë 17 qytetarë. Mes të testuarve janë 48 personel shëndetësor të cilët kanë rezultuar të gjithë negativë për COVID19.

Rastet e reja janë të përqëndruara në zonën Tiranë-Durrës, përkatësisht 8 në Tirane, 8 në Durrës dhe 1 në Krujë, kryesisht kontakte të rasteve pozitive të mëparshme, por edhe raste të reja për të cilat po kryhet hetimi epidemiologjik. Ndërsa të shëruar në 24 orët e fundit janë 9 qytetarë. Rastet e reja të rritura për të tretën ditë radhazi tregojnë qartë se kujdesi i qytetarëve duhet të vazhdojë, për të respektuar masat e vendosura, në mënyrë që të minimizojmë sa më shumë përhapjen e virusit tek kontaktet familjare apo më gjerë.

Deri më sot janë kryer mbi 12 mijë testime dhe janë konfirmuar pozitivë me COVID-19 në të gjithë vendin 933 qytetarë. Prej tyre, 77% tashmë janë të shëruar. Aktualisht janë 188 persona aktivë me COVID19, kryesisht ne Tiranë, Krujë, Shkodër, Durrës, Kamëz, Berat. Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 19 pacientë dhe vetëm 4 prej tyre janë në terapi intensive.

Ministria e Shëndetësisë dhe Mbrojtjes Sociale apelon qytetarët të tregohen të përgjegjshëm, duke respektuar distancimin fizik, duke ruajtur higjienën personale, duke shmangur vizitat tek të afërmit për çdo lloj arsye, ndërsa bizneset duhet të zbatojnë protokollet strikte.

Qytetarët duhet të jenë të kujdesshëm të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127. Për informacion në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.

COVID-19 – Statistika (16 Maj 2020)

Testime totale 12294

Testime molekulare 11764

Testime serologjike 530

Raste pozitive 933

Raste të shëruara 714

Raste Aktive 188

Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 78

Krujë 46

Durrës 17

Shkodër 15

Kamëz 12

Berat 10

Fier 5

Elbasan 2

Kurbin 1

Mirditë 1

Korçë 1

Rrëfimi prekës i tifozit spanjoll: Më duhet të shes daullen që të ushqehem

Manolo është një nga tifozët më të famshëm të kombëtares së Spanjës. Prej shumë vitesh, ai shëtit të gjithë botën me daullen e tij në ndjekje të përfaqësueses iberike.

Megjithatë, kohët e fundit, Manolo nuk është i lumtur. Koronavirusi ka goditur fort ekonominë në Spanjë dhe as Manolo nuk i ka shpëtuar dot.

Ai kishte një lokal shumë pranë stadiumit të Valencias, i kthyer në pikë turistike. Por tashmë ai është i mbyllur prej më shumë se dy muajsh dhe me kthimin e ndeshjeve me dyer të mbyllura në stadiume, pakkush do t’i afrohet lokalit të tij.

Ndaj tifozi i njohur spnajoll, edhe pse nuk do të dëshironte kurrë, mund të jetë i detyruar të heqë dora nga daullja historike e qindra ndeshjeve.

Mes lotësh ai u shpreh:

Nuk kam asnjë të ardhur pasi lokali është i mbyllur, kam 800 euro pension shtetëror dhe duhet të paguaj 420 euro qera. Situata ime ekonomike është shumë e keqe. Në këto muaj kam humbur shumë para pasi nuk mund të hapja lokalin, nuk mund të bëja asgjë. Do të më duhet që të shes daullen që të kem për të ngrënë. Kam thënë gjithmonë që nuk do ta shisja kurrë, por në disa raste më kanë ofruar para për të dhe mund të heq dorë. Sinqerisht nuk di se çfarë të bëj.